Wat is die SCORPIO-PEP-studie?
Ten spyte van globale COVID-19-inentingpogings, het verskillende variante van SARS-CoV-2 verskyn. Hierdie nuwe vorms van die virus kan makliker versprei en entstofbeskerming verminder. Daar is risiko van erge siekte, hospitalisering en sterfte by mense wat ingeënt is wat onderliggende mediese toestande het. Nuwe behandelings word benodig om die verspreiding van COVID-19 te voorkom.
Die SCORPIO-PEP-studie word gedoen om meer te wete te kom of ’n ondersoekmedisyne, S-217622, COVID-19 kan voorkom by diegene wat daaraan blootgestel word.
Verstaan die SCORPIO-PEP-studie
Kyk hierdie video om meer te leer oor die SCORPIO-PEP-studie.
Verstaan kliniese proewe
Kliniese studies is tipes navorsingstudies wat gedoen word om meer te wete te kom oor hoe die liggaam op ’n sekere intervensie reageer en of daardie intervensie vir ’n spesifieke siekte of mediese toestand werk. Kyk hierdie video om meer te leer oor kliniese proewe en hoe dit werk.
Wie kan deelneem?
Daar is twee tipes individue wat by hierdie studie kan aansluit.
Deelnemers
is diegene wat:
12 jaar of ouer is
’n Negatiewe COVID-19-toets het
Instem om by die studie aan te sluit binne 72 uur na die begin van COVID-19-simptome by die indekspasiënt
Bereid is om ’n pasiëntdagboek te voltooi
Indekspasiënte
is diegene wat:
Kinders of volwassenes van enige ouderdom is
Die eerste persoon binne die huishouding was wat positief met COVID-19 getoets is
’n Positiewe COVID-19-toets binne 72 uur van verewekansiging van die deelnemer het
Ten minste 1 COVID-19-simptoom het binne 24 uur nadat instemming/toestemming verskaf is
Wat is die voorkomende behandeling?
Die voorkomende behandeling wat bestuur word is S-217622. S-217622 is ’n mondelikse terapie wat per mond vir 5 opeenvolgende dae geneem word.
Geen voorkomende behandeling sal vir indekspasiënte toegedien word nie.
Daar sal twee behandelingsgroepe vir deelnemers in die SCORPIO-PEP-studie wees.
Groep 1: S-217622
Groep 2: Plasebo
(geen aktiewe bestanddele nie)
Wat gebeur gedurende die studie?
Vir indekspasiënte is die studieduur ’n minimum van 1 dag en ’n maksimum van 3 dae.
Vir pasiënte bestaan die studie uit 3 dele: sifting, behandeling en opvolging.
Die studieduur is 28 dae met 7 of 8 studiebesoeke.
Siftingstydperk
Dag 1
1 besoek
U sal ’n vorm ontvang wat al die inligting oor die studie bevat. Vra asseblief die studiedokter of studiepersoneel oor enigiets wat u nie verstaan nie of verder verduidelik wil hê. As u/u kind instem om aan te sluit, sal u gevra word om ’n ingeligtetoestemmingsvorm te onderteken en dateer voordat enige toetse of prosedures uitgevoer word. Adolessente sal ’n ingeligte-instemmingsvorm onderteken en dateer. Gesondheidsondersoeke en -toetse sal uitgevoer word om te kyk of die studie reg is vir u/u kind.
Behandelingstydperk
Dae 1 tot 5
1 besoek
As die studie reg is vir u/u kind, sal voorkomende behandeling begin. Die eerste dosis van voorkomende behandeling sal by die studiesentrum op dag 1 geneem word. Alle ander dosisse sal tuis geneem word.
Deelnemers sal gevra word om hul COVID-19-simptome twee keer per dag tot en met Dag 28 in ’n dagboek aan te teken. Die dagboek moet elke dag op ongeveer dieselfde tye voltooi word.
Opvolgtydperk
Dae 6 tot 28
5 besoeke
Gedurende opvolg, sal daar bykomende gesondheidsondersoeke en -toetse wees om u veiligheid te monitor.
Watter tipe toetse en gesondheidsondersoeke kan ek verwag?
Nie elke toets sal by elke besoek gedoen word nie.
Mediese geskiedenis
Swangerskaptoets
Fisiese Ondersoek
Lewenstekens
Nasofaringeale depper
Bloedtoetse
Vraelyste
Liggaamstemperatuur
Gereed om te begin?
Kyk of u kiesbaar is vir die SCORPIO-PEP-studie of vind ’n studiesentrum naby u.